IMamelodi Sundowns iqhogene nenkampani yakwaHundai

IMamelodi Sundowns  ibhengeze inkampani
yakwaHundai  njengabaxhasi wayo omtsha namhlanje eBedfordview, eGoli.
Amasandawana alungiselela umdlalo omkhulu ophakathi kwawo neKaizer Chiefs
kwiveki ezayo eLoftus Versfeld Stadium ngoLwesibini ngo’19:00. Eli qela laseChlorkoop nelisaqhuba kakuhle emva
kokukhutshwa kwiCAF Champions League kutshanje. UPitso ‘Jingles’ Mosimane namakhwenkwe
wakhe kulindeleke okokuba basebenzise umdlalo wabo neChiefs njengethuba
lokuvala umsantsa ovulwe ngamaqela aphambili kwiPSL.

Kungoku nje iSundowns  inamanqaku alithoba emva
kwemidlalo emine, kumdlalo wokugqibela yabetha iPlatinum Stars esokolayo ngo’1-0.
Ukuphuma kweDowns kwiChampions League kuyinike ithuba lokugxila kwimidlalo
yasekhaya ngakumbi. Iqela laseNaturena
lisaphumelele imidlalo emibini kuphela kwaye lisenamanqaku alithoba emva
kwemidlalo esixhenxe. Umdlalo
wokugqibela phakathi kweDowns neChiefs kwaphumelela eliKhomphela ngo’2-1 kwisizini
edlulileyo. Abadlali beChiefs
abonzakeleyo nguKgotso Moleko noGustavo Paez ekunokwenzeka angabikho inyanga
yonke. UKhama Billiat, oyifolosi yeSundowns, unethemba lokuba uThemba Zwane
noSibusiso Vilakazi bazakubonisa elikaMotaung amaqhekeza engqele kwiveki ezayo kwaye
uthe iziphumo zakamva azibalwa xa lamaqela edibana.