Indadi yalapha eMzantsi Afrika uCameron van der Burgh uphumelele imbasa yokuqala yesilivere ngokuhlwa kwangeCawe kwi’100m breaststroke. Kwelinye icala uChad le Clos yena udlulele kumjikelo wamagqibela kankqoyi kwi’ 200m freestyle.
Amanye amazwe akhuphisana noMzantsi Afrika khange agqame kakhulu kwicala lokudada. ULe Clos udade ngelona xesha likhawulezileyo, ukuzibekela indawo kumjikelo wamagqibela kankqoyi izolo. UMyles Brown yena khange akwazi ukudlulela kumjikelo wamagqibela kankqoyi. Kumjikelo ophambi kwamagqibela kankqoyi wamadoda kwi’100m uChristopher Reid naye khange aphumelele kwinzame zakhe zokufikelela kumjikelo wamagqibela kankqoyi.
Aliqela amarekhodi athe ophulwa kweminye imidlalo yamagqibela kankqoyi, ngokuhlwa ngeCawa. USarah Sjostrom wophule irekhodi elitsha kwi’100m yebutterfly kwaba setyhini. Emadodeni kwi’400m ibe yi-USA iintshatsheli nalapho igqala uMichael Phelps ethe wafumana imbasa yakhe yeshumi elinethoba.
IPirates iya phambili kwiNedbank Cup emva kokunyathela iChippa United ekhaya