Indebe yeqakamba yamanenekazi iza eMzantsi Afrika ngo-2022

By
Pedro Mapelo
-
epa08271195 Nonkululeko Mlaba of South Africa (2-L) celebrates with teammates after taking the wicket of Jess Jonassen of Australia during the Women's T20 World Cup semi-final match between Australia and South Africa at the Sydney Cricket Ground (SCG) in Sydney, Australia, 05 March 2020. EPA/DAN HIMBRECHTS NEWS REPORTING PURPOSES ONLY, NO COMMERCIAL USE , NO USE IN BOOKS AUSTRALIA AND NEW ZEALAND OUT EDITORIAL USE ONLY

UMzantsi
Afrika ufumene ithamsanqa elikhulu embuthweni weqakamba wehlabathi. Ekuqaleni
kwale veki, umbutho olawula iqakamba kwihlabathi (International Cricket
Council) ubhengeze kwikhasi lonxibelelwano, uTwitter, okokuba indebe yehlabathi
yamanenekazi (Women’s T20 World Cup) iza kusingathwa nguMzantsi Afrika ngo-2022.
Le yeyona tumente enkulu kwiqakamba yehlabathi edlalwa ngamanenekazi. Indebe
yehlabathi yeqakamba yamanenekazi idlalwe izihlandlo ezisixhenxe ukuza kuthi ga
ngoku. Le iza kudlalelwa eMzantsi Afrika iza kube iyeyesibhozo. Ziindaba
ezemnandi kakhulu ezi kumanenekazi oMzantsi Afrika aqhuba kakuhle kakhulu
kwindebe yehlabathi eqhubekayo ngoku kwilizwe lase-Australia.

Namhlanje,
uMzantsi Afrika uphakathi kwamazwe amane aza kudlala imidlalo yamanqam ephambi
kowamagqibelakankqoyi. Uza kudibana ne-Australia engusotheko kwibala laseSydney
Cricket Stadium. Ngeke kubelula kwiqela lesizwe loMzantsi Afrika ngoba lidibana
ne-Australia esele iyiphumelele indebe yehlabathi izihlandlo ezine zonke.
Iintokazi zoMzantsi zifikelele kwisigaba esiphambi kwesokugqibela emva komdlalo
obuphakathi kwazo neWest Indies oye wachithwa
ngenxa yemvula – kodwa zingabethwanga nakanye kwimidlalo kaGroup B. Kanti
kuGroup A, ilizwe lase-India liza kuqubisana namaNgesi ngorhatya namhlanje.
Ewonke amazwe athi athathe inxaxheba kwindebe yehlabathi yamanenekazi alithoba.

ANA…

 

RELATED ARTICLESMORE FROM AUTHOR