Emva kokuqokelela
amanqaku amathathu emdlalweni wanamhlanje, i-Orlando Pirates inyukele kwindawo
yesine kwi-Absa Premier Soccer League. Igowuli elifakwe nguVincent Pule
kwisigaba sesibini lincede iPirates ngethuba ibetha AmaZulu alwe kwade
kwasekugqibeleni emdlalweni obutshisa bhe e-Orlando Stadium ngorhatya
lanamhlanje. Umdlalo utake iintlantsi zisuka. Omabini amaqela abonise
ukuzimisela nokunxanelwa kwawo impumelelo ngokuhlaselana emdlalweni. AmaZulu
asilawule isigaba sokuqala sade saphela. Ifolosi yawo, uBonginkosi Ntuli nomdlali
wasesiswini, uSiyethemba Sithebe, bebebaphethe mbengwana abadlali basemva
bePirates abafana noHappy Jele no-Alfred Ndengane nangona kungekho demesha abakwazileyo
ukuyenza.
Kuyiwe kwixesha
lokuphumla esankonye iqanda amaqela omabini. Zibuye ngamandla eZimnyama. ULuvuyo
Memela, uPule noBongani Sam ngabanye babadlali abadlale kakuhle kwiPirates. Nangona
iPirates iye yasithathela kuyo isiqingatha sesibini – kodwa uWayne Sandilands
khange ayeke ukuchitha iibhola eziyingozi. UPule ufake ibhola eshiye uSiyabonga
Mbatha ephoxeke kakhulu emva kokuhlangula AmaZulu izihlandlo eziliqela emdlalweni
wanamhlanje. Ibhola efakweni nguPule uyifumene ixwesa umhlaba kanozinti emva
kokugotywa nguThembinkosi Lorch kwicala lasekunene. UGabadinho Mhango uzamile
ukutyhoboza amatyeli aliqela – kodwa iinzame zakhe azizelanga amathokazi.
Pirates: Sandilands, Ndengane, Jele,
Sam, Dube, Motshwari, Makaringe, Pule, Lorch, Memela, Mhango.
Amalalela:
Delle, Ndlovu, Mako, Mntambo, Monyane, Mulenga, Mabasa.
AmaZulu:
Mbatha, Darpoh, Mabiliso, Booysen, Xoki, Ncube, Sithebe, Maduna, Magubane,
Lacny, Ntuli.
Amalalela:
Boshoff, Khumalo, Morton, Vilakazi, Chawaphiwa, Magaqa, Majoro.
‘MayingabingooNopopi ooCeba, mabasebenze ekuhlaleni njengoko bonyulelwe oko’