Intshatsheli yomdlalo wentenetya kwabakhubazekileyo uLucas Sithole wangeze elinye iwonga kumawonga anawo.
Ufumene imbasa yokuba ngumdlali oqaqambileyo wonyaka okhubazekileyo, kumsitho ububanjwe ngokuhlwa ngoMgqibelo.
La mawonga abhiyozela abadlali belizwekazi i-Afrika abaqhuba kakuhle kwaye bebebalishumi abo bebechongelwe eli wonga. USithole oyinzalelwane yaKwaZulu Natal uneetayitile ezingamashumi amathathu anesibini zesingles, utsibe ngaphaya kwencutshe ye-Olimpiki yaseNamibia uRuben Gowaseb kunye noLucky Chitembe waseZimbabwe. USithole uqale ukufumana iwonga lokuqala legrand slam ngonyaka ka2013. Waba ngumntu wokuqala oyindoda osuka e-Afrika ukuphumelela iwonga le-US Open. Lo mdlali ubekwa kwindawo yesithathu kwihlabathi uye waqhubekeka nokuqaqamba, xa ephumelela iwonga lobayintshatsheli yequad wheelchair doubles, xa wayekhuphisana noDavid Wagner eMelbourne.
IMasimanyane ikhuthaza ibhola ekhatywayo kumantombazana ngeenzame zokulwa iGBV