Umlandeli omkhulu weChippa United uchubela I’solezwe ngendlela yakhe neli qela lizinze eBhayi. Le ndedeba ixelele eli phephandaba ezona zinto zibalulekilyo ngamasebe wabalandeli.
Pedro Mapelo: Siyakwamkela Mhlekazi kweli phephandaba.
Siseko Vusani: Ndiyabulela kakhulu Bhuti. Igama lam ndinguSiseko Vusani waseZwide, eBhayi.
PM: Khawuqhayise, yintoni emnandi apha kwiChippa United?
SV: Yoh..Likhaya kum iChippa. Kumnandi kakhulu kweli qela, usihlalo (Mnu.Siviwe Mpengesi) weChippa United usixhasa ngokupheleleyo. Ibhola edlalwa ziiChilli-boys inomtsalane – kwaye nasekhaya bakhala ngokuba ngokuthinjwa kwam yiChippa.
PM: Eyona nto yakutsalayo apha kwiChippa, yintoni?
SV: Yiyo kuphela esinayo kweli phondo kwiPSL. Ekufikeni kwayo ndabona kufanelekile ukuba ndiyinike inkxaso . Ndayibona njengekhaya lethu emva kokuhamba kwamanye amaqela.
PM: Yintoni ebalulekileyo ngamasebe abalandeli?
SV: Sifumana ithuba lokuxelela abantu ngeChippa United. Sifumana ithuba elihle lokubekana endleleni eyiyo yobomi singabalandeli. Zininzi ke nezinye izinto esincedana ngazo.
PM: Uziva njani ngokukhubeka kweChippa kwimidlalo embalwa edlulileyo?
SV: Hayi, ayindixhalabisi lo nto ngoba injongo yethu kukudlala kakuhle kwimidlalo yePSL. Yeyona nto ibalulekilyo kuthi leyo.
PM: Kutheni bengayi abalandeli amabaleni?
SV: YahZininzi izinto ezingunobangela. Kule mihla ubuchwephesha nebhola edlalwa ngamaqela yahlikile kuleyo yakudala – ziyayiqhokra ke ibhola.
URonwen Williams ucelela inkxaso yabalandeli beChiefs nePirates!