Amapolisa abambe amagqiyazana amathathu kwiindawo ezahlukeneyo aphakathi kweshumi elinesibhozo ukuya kumashumi amabini anesine ubudala emva kokuba efunyenwe enentsangu, abanye kubo bebanjwa bexabana ngeli cuba.
Oneshumi elinesibhozo ubanjwe kwikhaya lakhe kwilali yaseBukwini eNgqeleni. Ngokwengxelo ephuma kwisithethi samapolisa aseMthatha uKapteni Dineo Koena, amapolisa ebesenza iphulo lawo likagqogqa kula mmandla nalapho bafike kwikhaya lale ntwazana kukho intsangu exabisa amawaka alishumi eerandi (R10 000).
Intwazana kulindeleke ukuba ivele phambi kwenkundla yamatyala eNgqeleni ngoMvulo.
Kusenjalo, ngamagqiyazana amabini, anamashumi amabini anesine ubudala, athe abanjwa ngamapolisa ala mmandla emva kokubhaqwa exabana ngentsangu kwilali iTranswilger eLady Grey ngoLwesine.
Inkumanda yamapolisa uBrigadier Xakavu usikhalimele esi senzo, esithi inani lokusetyenziswa kweziyobisi eTranswilger liphezulu ingakumbi lulutsha, esithi oko kufuna ukuqwalaselwa.
Meta AI, wamkelekile kwikhaya lethu lesiXhosa!