Amapolisa abambe indoda enamashumi amahlanu ananye (51) eminyaka ubudala ngetyala lokuqhuba linxilile kwakunye netyala lokuqhuba ngokungakhathali. Imoto yale ndoda ingqubene nemoto ebikhwele owayesakuba nguMongameli uJacob Zuma.
Ingxelo yesithethi samapolisa uBrigadiya Athlenda Mathe ithi ngethuba kungqubana ezi moto, owayesakuba nguMongameli uZuma wayekhwele noonogada bakhe.
“Akukho mntu wonzakeleyo kuquka namalungu eNkonzo yoKhuseleko lukaMongameli (PPS). UZuma wakhutshwa wasiwa kwindawo ahlala kuyo.
“Ingozi yenzeke kuhola wendlela uR66 ngoLwesine, umhla wama28 kweyoKwindla ka2024 malunga nentsimbi ye18:40,” utshilo uMathe.
Le ndoda iseluvalelweni kwaye kulindeleke ukuba ivele phambi kwenkundla kamantyi eShowe ngoLwesibini.
Iphele njalo indlela yeSundowns kwiCAF Champions League!