ABAKWANTSASANA kwiphondo leMpuma Koloni, bawufumene umzimba wentwazana echazwe njengedukileyo ngempelaveki.
Amapolisa asasaze ipheke-pheke elinoSiphosethu Waphi, 16, ogqityelwe ukubonwa enxibe iyunifom yesikolo ngoMgqibelo womhla we-28.
Ongumlomo wabakwantsasana, uKapteni Jackson Manatha, uthi amapolisa eGcuwa ebebambe ugqogqa kula ngingqi, nalapho aye afumana umzimba wale ntwazana.
Ifunyenwe iqungquluze ecaleni komlambo kwindawo eshinyeneyo yaseGcuwa.
UManatha uthi barhanela ukuba le ntwazana idlwengulwe, yaze yabulawa.
UWaphi ibingumfundi waseCunningham Senior Secondary eGcuwa.
ISwallows iquthise iChippa phambi kwabalandeli bayo eBuffalo City Stadium