Amapolisa aKwaZakhele eBhayi, aphanda ngetyala lokubulala, emva kokuba kuthe kwabhaqwa umzimba wendoda ugcwele ngamanxeba embumbulu entloko.
Umzimba wale ndoda ubhaqwe kwigumbi layo lokulala elikwisitalato iVakaza KwaZakhele ngoLwesithathu.
Isithethi samapolisa uConstable Mncedi Mbombo uthi ilungu losapho lomfi lithi ngethuba lifika ekuseni emva kwentsimbi yesihlanu, lifike sele entyumpantyumpeka kwigazi.
“Ubhuti wexhoba oneminyaka elishumi elinesithandathu, obengaphakathi elele kweyakhe ibhedi uthi akakhange eve zithonga zampu ngethuba elele. Amapolisa athe afumana amakhoba eembumbulu kwibhedi yexhoba,” kutsho uNkohla.
UMbombo uthi, okwangoku akukabanjwa mntu amapolisa asaphanda. Kubongozwa nabani na onolwazi akrwece amapolisa akufuphi naye.
Iphele njalo indlela yeSundowns kwiCAF Champions League!