AMAPOLISA aseGcuwa abambe abarhanelwa abane emva kokubafumana beneziyobisi.
Isithethi samapolisa aseGcuwa uKapteni Jackson Manatha uthi abarhanelwa aba bathathu ngabasetyhini, baphakathi kweminyaka engama22, 30 no45 bekunye nomfana oneminyaka engama22.
Uthi bafunyenwe benengxowa yentsangu exabisa imali engamawaka amathandathu eerandi. Ababini abarhanelwa babanjwe kwilali yaseNkanini eGcuwa, ze abanye ababini babanjwa kumatyotyombe aseSkiet kwaseGcuwa.
Aba babanjwe ngoLwesithathu emva kwentsimbi yesihlanu ngenjikalanga. Abanye bafunyenwe beneziyobisi zohlobo lweMandrax ezixabisa amawaka amathathu eerandi. UManatha uthi kulindeleke ukuba bavele enkundleni yamatyala kungekudala.
‘MayingabingooNopopi ooCeba, mabasebenze ekuhlaleni njengoko bonyulelwe oko’