Namhlanje AmaZulu athathe oyena mdlali wexabiso kwiChippa United. UVeli Mothwa, obengunozinti kwiqela laseMpuma Koloni, ngoku ngumdlali wamaZulu emva kokuthengiselwa yiChippa United. Ezi ndaba zivakele namhlanje ekuseni ngabasemfuthweni. Emalanga nje, uMothwa ufake umfanekiso wakhe etyekitya amaphepha.
Noxa iChippa United ingekalikhuphi ilizwi malunga nokuthengiswa kukaMothwa, I’solezwe lesiXhosa lixelelwe okokuba ngokwenene uMothwa uhambile phambi komdlalo obalulekileyo ophakathi kweChippa neTshakhuma FC ngomso.
UMothwa ebenguKapteni futhi ube ngomnye wabadlali abaphambili kwisizini edlulileyo nakule intsha. Abalandeli beChippa, bambi abadandathekileyo kukumka kwakhe, bamnqwenelele okuhle kumakhasi onxibelelwano afana noFacebook.
‘MayingabingooNopopi ooCeba, mabasebenze ekuhlaleni njengoko bonyulelwe oko’