Kubhubhe ixhegwazana elinamashumi asixhenxe anesithandathu ubudala (76) uNoFinish Sakathi wakuCentane emva kokugilwa yimoto.
Iingxelo eziphuma emapoliseni zithi, umakhulu lo utshayiswe ngoLwesihlanu ngentsimbi yesibhozo kusasa kwindlela ephakathi kwedolophu yakuCentane kwakunye nedolophu yaseGcuwa, oku kudizwe sisithethi samapolisa neendawo ezingqongileyo kula mmandla uKapteni Jackson Manatha.
USakathi ubhubhe kusasa ngethuba esendleleni eya esikolweni eGobe Commercial eyokulanda iziphumo zomzukulwana wakhe njengoko bekubhalwa ngabafundi iimviwo zaphakathi enyakeni.
Sithetha nje amapolisa akuCentane aphanda esi sehlo.
UManatha uthi, umzukulwana lowo ebeyokuthathelwa iziphumo zakhe sele ekwikhefu eMonti nanjengoko izikolo sele zivaliwe.
abongile.ginya@inl.co.za
USteve Barker umchaze njengeqhawe uRayners ongcwabe iPolokwane City