AMAPOLISA afike kanye xa oorheme besapheke loo nyama yegusha enuka kamnandi ekutyholwa bayipheke emva kokweba iigusha eRhodes kumasipala waseSenqu.
Isithethi samapolisa uKapteni Khaya Tonjeni uthi amadoda amane ebepheke le nyama kwindawo ekuthiwa kuseZakhele ngethuba kufika amapolisa.
“Ukubanjwa kulandela ubuntlola bamapolisa emva kokubikwa kokubiwa kwemfuyo. Amapolisa afike kwindlu eseZakhele ze agqogqa. Ekugqogqeni abone inyama ibila emhluzini kwikona yekhitshi. Amapolisa akwafumene inyama engekaphekwa ifihlwe ekhabhathini,” utshilo uTonjeni.
Abarhanelwa bavelile enkundleni ngoLwesine, noxa nje bekungekacaci ukuba bayifumene kusini na ibheyile.
USteve Barker umchaze njengeqhawe uRayners ongcwabe iPolokwane City