Iqela lalapha eMpuma Koloni, iChippa United, lizakube libuyela kwibala lalo lempumelelo iBuffalo City Stadium kulo Mgqibelo. Abafana bakaDan “Dance” Malesela bazakube besamkela Abafana Besthende [Golden Arrows] kumdlalo wePremier Soccer League ngentsimbi yesithathu emalanga.
UMalesela uthi konke kume ngendlela kuma lungiselelo ale mpelaveki, kwaye akukho mdlali ubikwa hlaba. IChippa ihleli kwindawo yesixhenxe kwiPSL izakudlala ne-Arrows ehleli kwindawo yethoba.
Umqeqeshi weChippa, uMalesela uthi basoloko bekonwabela ukudlala eMonti.“Siyayonwabela into yokudlala kwibala elizala abalandeli abathanda iqela lethu, into esiyifunayo ngoku kukuhlala phakathi kwamaqela asibhozo okuqala. Kwisizini ezayo sifuna ukuzigqatsa kwindebe yePSL,” utshilo uMalesela.Lo mdlalo uzakuqala ngentsimbi yesithathu emva kwemini.
‘MayingabingooNopopi ooCeba, mabasebenze ekuhlaleni njengoko bonyulelwe oko’