Neil Powell: Sidlale ngawo amathuba wethu!

By
Lukhanyo Engila
-
Neil Powell (head coach) of South Africa chats to media during the South Africa Sevens team press conference at Cape Town Stadium, on 6 December 2017 © Ryan Wilkisky/BackpagePix

Umqeqeshi weBlitzboks, uNeil Powell, ebeligcwabevu ngumsindo emva kokuba amakhwenkwe wakhe ewe phantsi kwinzame zawo zokukhusela itumete yeSydney Sevens. Iqela labadlali abasixhenxe lomboxo loMzantsi Afrika lihlazwe yi-Austalia ngethuba libethwa kanobom ngo’29-0. Awuqale ehlasela ngamadla amakhwenkwe kaPowell kodwa abengavumi tu amakhwenkwe e-Australia. URosko

Specman utyhalwelwe ngaphandle sekufuphi emgceni kwimizuzu esixhenxe yokuqala yalo mdlalo. UPowell uthi bebenalo ithuba lokuwuphumelela umdlalo: “Siwuyeke ngokwethu umdlalo, besinalo ithuba lokuwuphumelela. Andiyazi into eboyisileyo namhlanje”, utshilo uPowell.
Impumelelo ye-Australia yeyokuqala emva kweminyaka
elishumi elinesithandathu kule tumente. Zisankqenkqeza phambili kwiLog nangona
zibethiwe iiBlitzboke. Zinamanqaku ayi-58, zilandelwa yiNew Zealand
ehleli ku-54, i-Austalia ihleli kwindawo yesithathu ngamanqaku ayi-43.

Ezinye iziphumo zeSydney Sevens: i-Argentina iphumelele
imbasa yeBronze emva kokubetha i-USA ngo‘31-10, iNew Zealand
ibambe indawo yesihlanu kule tumente emva kokubetha iFiji ngo’31-10. Imidlalo yeHSBC World Seven Series izakudlalwa kwilizwe laseNew Zealand, eHamilton, kule mpelaveki yomhla wesithathu nowesine kwinyanga yoMdumba.

 

RELATED ARTICLESMORE FROM AUTHOR