Umthanda kweliphi iqonga uKB? Emculweni okanye kwiqonga lemidlalo kamabonakude? Usaxakwe unjalo yimpendulo omawuyikhethe, uzakuncuma olukabhlankethe kuba nazi iindaba ezimnandi.
Umdlali kamabonakude nemvumi yomculo we-R&B uKB Motsilanyane, nowayefudula ekumdlalo we-e.tv iBackstage kunye neRhythm City, uyabuya kwakhona kumabonakude wakho.
Ngokweengxelo, u-KB uzakudlala indawo kaLesedi, ndima leyo esisigxina kumdlalo i-7de Laan.
ULesedi uchazwe njengegqwethakazi elizokumela uCecile, ongunina kunyana kaVince – uChristopher.
UChantal Stanfield uzakudlala indima yakhe njengoCecile, esiza erhuqa unyana wakhe ominyaka mithandathu.
Ingathi kuzakufuneka athi qwa uVince kuba uLesedi lelinye lamagqwetha ayimelayo into yawo.
U-KB uzakuqala ukubonakala ngomhla we-3 kuTshazimpuzi, kwinyanga nje emva kwemibhiyozo yesiqendu samawaka amane i-7de Laan isemoyeni.
Lo ngunyaka weshumi elinesixhenxe lomdlalo usemoyeni kwiSABC 2.
Abazali eMzantsi Afrika kusenzima ukuba bamkele abantwana babo abaGay!