OBEKADE enguMlawuli Sikhululo kwiTBN Africa, uLoyiso Bala, nguMphathi omtsha woMhlobo Wenene FM neTruFM.
UBala, 41, uqeshwe yiSABC njengeManejala yeShishini (Business Manager) yezi zikhululo zibini zikanomathotholo eMpuma Koloni.
Kulo nyaka, ngethuba lohlengahlengiso lukaSection 189, iSABC ijike isikhundla ebesifudula sisaziwa njengeStation Manager sayiBusiness Manager, ukunika uxanduva olongezelelweyo kulowo uphetheyo.
Oku kwenze ezinye izikhululo zeSABC zadibana ngoMphathi omnye.
UBala, owaziwa njengemvumi, unesidanga seMasters in Business Administration (MBA).
Phambi kokuqeshwa yiSABC, usebenze iminyaka emihlanu njengoMlawuli weTBN Africa.
NgoTshazimpuzi walo nyaka, obekade eBambele njengeManejala eTruFM, uMasixole Mdingane, ungene kwisikhundla sokuba nguMphathi weeNkqubo zoMhlobo Wenene FM.
‘MayingabingooNopopi ooCeba, mabasebenze ekuhlaleni njengoko bonyulelwe oko’