UBUYILE umnyhadala we-EMonti Jazz and Gospel Festival kule mpelaveki.
Lo mnyhadala, nekwakulindeleke ubekwimpelaveki yePasika, wakhe wathi nqumama ngenxa yamagingxi-gingxi athile.
Encokola nentatheli yeli phephandaba izolo, omnye wabaququzeleli balo mnyhadala nguLitha Yaya.
“Sibuyile, sithetha nje sixakekile senza iqonga ekuzakudyusha kulo iimvumi, umcimbi uyaqhubeka ngoMgqibelo we-30 ku-Epreli.”
Akutshintshanga nto kuluhlu lweemvumi ezizakudyusha eqongeni, uRebecca Malope, Mafikizolo, MiCasa, Hotsticks Mabuse, Big Nuz, Betusile Mcinga, Big Nuz, Zahara, The Soil, Butho Vuthela, Malibongwe Gcwabe, Khanyisa, Dumi Mkokstad nabanye.
U-Amaza Ntshanga no-Anele Mdoda, ngabo ababhexeshi balo mcimbi.
Amatikiti aseComputicket ngexabiso le-R160, yi-R200 emnyango kude kubethe intsimbi yesine, ukuze ibeyi-R100 iCoolerbox.
Umcimbi uyaqalisa ngentsimbi yeshumi elinambini eBuffalo Park Cricket Stadium. Koze Kuse!
simphiwe.freddie@inl.co.za
Iphele njalo indlela yeSundowns kwiCAF Champions League!