Amapolisa abongoza abahlali baseMdantsane kwakunye neziphaluka ngelithi lowo unesihlobo esadukayo okanye osele kuziveki engasiboni isihlobo sakhe aye kumzi ogcina izidumbu, iMdantsane Mortuary, ayokufanisa.
Ngokwengxelo ephuma kuKapteni Nkosikho Mzuku, yimizimba emine yamadoda angaziwayo ekule motshwali kwaye esele kulithuba ifikile.
UMzuku uthi kutshanje, babhaqe umzimba wendoda emnyama ngokwebala, kwaye eyakhiwe kakuhle emzimbeni neqikelelwa pha kwiminyaka ekumashumi amathathu ukunyuka ngokweminyaka yokuzalwa. Le ndoda ifunyenwe inamanxeba kwaye umzimba wayo udada ngaphezulu kumlambo iGreenaker kwaNU.7 eMdantsane.
Le ndoda ibinxibe umzantsi omnyama webhlukhwe yokujima kwakunye nehempe emagqabi yonke.
Kubongozwa lowo unesihlobo, isizalwane okanye umakhelwane angasamboniyo ayokufanisa le mizimba eMdantsane Mortuary. Kungenjalo atsalele uWarrant Officer Mncedisi Balitafa wesikhululo samapolisa aseMdantsane ku071 475 2307 naku 043 708 7052 okanye kule yasimahla inombolo 08600 10111.
Meta AI, wamkelekile kwikhaya lethu lesiXhosa!