IPHINDE yangeniswa esibhedlele iKumkani yabaThembu uBuyelekhaya Dalindyebo.
Oku kuqinisekiswe sisithethi sesebe lezoluleko eMpuma Koloni uZamuxolo Feni izolo. UFeni ubike ukuba uDalindyebo ungeniswe kwisibhedlele sabucala eMonti i-East London Private Hospital ngeCawe.
Ubekhutshwe ngoLwesihlanu weveki ephelileyo kwisibhedlele sabucala iSt Dominics eMonti, emva kokungeniswa kuso ngomhla wesibhozo wale nyanga.
Umongameli we-EFF uJulius Malema owayetyelele uDalindyebo ngomhla wethoba waxelela oonondaba ukuba le kumkani ifunyenwe kukugula emva kweentsuku ingatyi.
OkaMalema wabika ukuba benze isivumelwano sokuba aphinde atye.
UFeni walile ukunika ingcombolo ngezizathu zokuba uDalindyebo abuyiselwe esibhedlele, esithi “ufumana ukunyangwa, ngenxa yempilo enkenenkene.”
Isithethi sekumkani, uNkosi Mfundo Mtirara uthe akanalwazi ngokulaliswa kwekumkani.
‘MayingabingooNopopi ooCeba, mabasebenze ekuhlaleni njengoko bonyulelwe oko’