Abasebenzi bomzi-mveliso wakwaMercedes Benz eMonti bayabhiyoza emva kokwenza imbali yokuvelisa umnyobo womnyubelele weMercedes – AMG C 63 efakelwe umfutho we-V8.
Lo mnyob’ onomkhitha, usungulwe ngokusesikweni kwaMercedes Benz eMonti ngoLwesithathu.
Kwisibhengezo sanyakenye, abakwaMercedes Benz bavakalisa ukuba iimoto zabo zohlobo lwe-AMG zizakwenziwa aph’ ekhaya ze zithunyelwe kumanye amazwe. Oku kuza emva kokuba le nkampani ityale amakhulu amabini eerandi (R200 million) ukuphumeza lo msebenzi.
“Ukwenziwa kweMercedes-Benz AMG C 63 apha eMonti, kubethelela phezu komnyobo wethu we-C Class, futhi sisiqinisekiso sokuba lo mzi-mveliso (eMonti) yintsika yonaniselwano lakwaDaimler kwihlabathi jikelele.
“Siyavuya ukubona le C 63 yenziwe apha kwaye izakuthunyelwa kumazwe ehlabathi. Oku kubonisa ukusebenza nzima nokuzinikela kwabasebenzi bale ndawo,” utshilo u-Andreas Engling oyingqonyela yakwaMercedes Benz South Africa.
Meta AI, wamkelekile kwikhaya lethu lesiXhosa!