Diliz’ udonga lodano uphind’ uzingise
Danisa unxunguphalo uzidalel’ ulonwabo
Dambis’ ingxokozelo nezityholo zongendawo
Dedis’ukuziqumbela ngokubulal’ isazela
Dungedelisa loo moya uthi zigqithise amafu
Ungazityabulisi uzitshise izidlele ngeenyembezi
Ungazivingceli ngeengcingane ezingendawo
Ungaziyabulis’ entlango usezela umoya wembubhiso
Ungoyiki, unkwantyiswa ngabantu, benezabo nabo
Ungazibulali, usabalulekile, usathandwa, awone mntu
Qina okwentsika yentsimbi, ulindiwe likamva lakho
Qina okwedonga lobhedu, uzokumelana nelizwe
Qinis’ umbhinqo kushwaban’ugqongo uqonde phambili
Qina uthi nkqi, ubomi asibobamabhetye-bhetye
Qolozela kwinyoka yobhedu, ungazirhawulisi ngokufa
Ubomi ungabufulatheli ,ujongane nokufa njengekroba
Ubomi bukulindile, phuma kwimbiz’ ebilayo yeentsizi
Ubomi bunxanelwe wena , nawe sukuzidelela
Ngxe! Lala ngalo,lingopheli ngaphakathi!
Ngxe! Vuka ungafi ufiswa kokulungisekayo!
‘MayingabingooNopopi ooCeba, mabasebenze ekuhlaleni njengoko bonyulelwe oko’