Yindoda enamashumi amane (40) ubudala ngeminyaka nengummi wangaphandle ephulukene nobomi bayo ngethuba izidubula ngempazamo endlini yayo ngompu ongekho semthethweni.
Oku kwenzeke emini ngoMgqibelo kwilokishi iMoses Mabida kwisitalato iMsengeni kwidolophu yaseKirkwood.
Ngokwengxelo ephuma kuCaptain Marius McCarthy kulammandla ithi, kubizwe amaPolisa ngabahlali emva kokuba beve isithonga sompu siphuma kwindlu yexhoba.
Le ndoda nezidubule amazantsi esisu iye yathathwa yabalekiselwa esibhedlele iKirkwood neye yabhubhela endleleni.
UMcCarthy, uthi, inombolo yompu lo uye wabhaliswa kwaye nompu uqobo wathathwa uselugcinweni lwamaPolisa.
Iqwakuqwaku livuliwe nophando luyenziwa.
UMudau noLorch baweze iDowns emdlalweni weNedbank Cup!