AZA kushiyanwa ngotyefezo amaqela omculo weKwaito ekupheleni kwale nyanga kwiEastern Cape Music Awards (ECMAS 2016), ezizakubanjelwa eAbbotsford eMonti. Njengoko kubonakala ngathi kudityaniswe amaqela asokolisanayo eKwaito eli phondo.
Sincokole noThulani Nqambi wakwaNU.1 eMdantsane owaziwa ngelikaCrazyTulz nosele eneminyaka engaphaya kwamashumi amabini ecula. “Ukuqala kwam ukukhwela eqongeni, ndaqala ukuzithengisa kwano kuziqhelanisa noluntu kwimisitho emincinci yasekuhlaleni.
Sele ndicule kwimisitho emikhulu efana neBeach Front Festival, Mdantsane City Mall, nakwimi nyhadala yeenkcubeko. Ndibenalo nethuba lokwenza iiJingles kwizikhululo zonomathotholo zasekhaya itrufm kwakunye neMdantsane FM,” utshilo uCrazy Tulz
Iingoma ezaziwayo zakhe nguAsithanga nqa, nathi iye yathandwa kakhulu luluntu, Tulz Down, Zandla Phezulu kwakunye noBLESSER nalapho asebenze noDJ Mnce. Kosaziwayo aselekhe wasebenzisana nabo nguDJ Tuls. Ayilotyeli lokuqala echongwa kwiiECMAS uCrazyTulz lityeli lesibini eli.
Iqela lesibini, yiAbsolute 5 nekudibene abafundi beYunivesithi iWalter Sisulu kwiziko laseMthatha. Baqale kunyaka ophelileyo ukuzenzela eli qela leKwaito, kwaye aliwuvali umlomo njengoko beqala ukuchongwa kwiECMAS.
Umvelisi weqela uPhilasande Mkohliwe uthe: “Zange sikholelwe ukufumana kwethu impendulo esixelela ukuba singabanye abazakuba yinxalenye nalo msitho eMonti. Sothukile kuba siqale kunyaka ophelileyo sise ziintsana emculweni.
Uthi nabo sele betshintshiselene ngeqonga noosaziwayo kumsitho obamkhulu eMthatha obanjwa rhoqo xa kuphela unyaka, obizwa ngokuba yiNative Summer Party. Uthi nakwimisitho eba kula mmandla baye bacule baziphuhlise.
Uncome inkxaso eluntwini esithi bekhulile nje emculweni kungenxa yenkxaso abaye bayifumana kuluntu lwabo.
“Sikule ndawo nje kungenxaye nkxaso esiyifumene kuluntu lo mmandla waseMthatha, sicela basivotele nangoku asiyi kubaphoxa ngomculo wethu. Ngenye imini sifuna ukuzibona singosaziwayo abadumileyo sigqamise iphondo lethu nangakumbi,” uvale ngelo uMkohliwe
Ingoma abathi iye yathandwa kakhulu luluntu kubo iAbsolute 5 yethi “NIPHUZANI” eyesibini abanayo ingoma ithi “Expensive life
Xa uvotayo uthi (ECMAS KWAITO-BEST KWAITO ABSOLUTE 5 KU (33459)
Xa uvotayo kuThulani uthi
(ECMAS KWAITO-BEST KWAITO Crazy Tulz KU (33459)
‘MayingabingooNopopi ooCeba, mabasebenze ekuhlaleni njengoko bonyulelwe oko’