Imidlalo ye-Absa Premiership yesizini entsha ka-2016/17 kulindeleke iqale ngoLwesibini ngecala emva kwentsimbi yesixhenxe ngokuhlwa. Amaqela amabini aseGoli, iBidvest Wits neKaizer Chiefs zizakthathana izakuthathana kumdlalo wokuqala eBidvest Stadium.
Kwisizini edlulileyo Amakhosi ayinqunqela egoqweni iClever Boys kumdlalo wokuqala ngo’1-0 eBidWits Stadium, kowesibini iGlamour Boys zaphinda zalibetha eli qela laseMilpark ngo’2-1 eCape Town Stadium kumdlalo wePSL. IChiefs iphethe isizini edlulileyo ikwindawo yesihlanu ishiywa ngamanqaku yiMamelodi Sundowns ethathe indebe yePSL kwisizini ka’2015/16. Eli qela lizinze eNaturena likhokhelwa nguSteve Mbuyiselo Khompela kungenzeka lidlale ngaphandle komdlali odlala emva u-Eric Tower Mathoho owenzakele kwimidlalo ye-Olimpiki ebibanjelwe eRio de Janeiro – eBrazil.
UCuthbert Malajila omtsha kwiWits uwujonge ngabomvu umdlalo wabo naMakhosi. Lo mdlali waseZimbabwe noMogakolodi Ngele batyikitywe yiWits kutshanje besuka kwiMamelodi Sundowns, kwaye uMalajila uzakudlala neembuso eziqhelekileyo ezifana noo-Elias Pelembe, Jabulani Shongwe noBuhle Mkhwanazi. Omnye umdlali ojongwe ngamehlo abomvu kulo mdlalo yifolosi u-Eleaza Rodgers osuka kwiPlatinum Stars. Iqela likaGavin Hunt liqiniswe ngumdlalo osuka kwiChippa United odlala kakuhle kakhulu uXoli Mlambo othengwe kwiveki ephelileyo ziiClever Boys ukongeza inani emva kokuhamba komdlali onje ngoSibusiso Vilakazi okwiiBrazilians.
Eminye imidlalo ye-ABSA Premiership ezakudlala ngoLwesibini : Cape Town City vs Polokwane City, Baroka FC vs Ajax Cape Town, Chippa United vs Free State Stars.
IMIFANEKISO: Uqhankqalazo loogqirha abangaphangeliyo