Abahlali eFlagstaff babambe indoda enama27 eminyaka ubudala nerhanelwa ngokudlwengula intwazana eneshumi elinethoba ubudala.
Lo mrhanelwa uza kuvela enkundleni kaMantyi eFlagstaff ngoLwesine wale veki nalapho aza kujongana nezityholo zokudlwengula.
Ngokwengxelo yamapolisa ixhoba belithunywe evenkileni nguninakhulu kwilali iQhasa ngethuba lidibana neli rhamncwa lendoda lingayaziyo.
Kubikwa ukuba le ndoda ilirhuqele emzini ongenabantu, yalinyanzela endlwini elithe yalidlwengulela kuyo.
Emva kwesi sehlo ixhoba lihlabe umkhosi nokhokelele ekungeneleleni kwabahlali nabathe bamleqa bambamba lo mrhanelwa, baze bamnikezela emapoliseni emva koko.
UMkomishinala wamapolisa kwingingqi yeOR Tambo, uNjengele David Kanuka, uliqhwabele izandla inyathelo labahlali.
URonwen Williams ucelela inkxaso yabalandeli beChiefs nePirates!