“Ukuzokuthi ga ngoku alishumi elinesithathu amatyala avuliweyo, kwabanjwa abantu abalishumi ngokolusa kodwa beyazi kwanqunyanyiswa. Kwaze kwachithwa amabhuma angamashumi amabini anesine. Sikwabulela nabahlali abathe basebenzisana namapolisa bechaza emapoliseni ezi ndawo zinamabhuma angekho semthethweni,” utshilo uNqatha.
La mabhuma abhaqeke kwezi ndawo zilandelayo: eSajonisi, Ngqeleni, Tsolo, Indwe, Mthatha, Mdantsane, Scenery Park naseNxarhuni.
Usihlalo weNdlu yeeNkosi ephondweni uNkos’ Mwelo Nonkonyana ubongoze iiNkosi ekubeni ziqaphele ngamaxesha onke kwaye ziyilwe into yolwaluko kwiindawo zazo ekuhlaleni.
“Sihlaba ikhwelo kubazali babantwana kwakunye neentsapho bayithobele imiqathango yelockdown, bangathumeli abantwana babo entabeni ngeli xesha. Nabazali bangoyiki bavule ityala bavulele abo bolusa iintsana zabo ngaphandle kwemvume yabazali,” utshilo uNkosi Nonkonyana.
Ukungabiko kwabamnyama kulibuyisela emva iqela lesizwe leqakamba